5/25/2009
മരുമകളെ സ്വീകരിക്കാനെത്തിയയാള്‍ തീവണ്ടിതട്ടി മരിച്ചു
മരുമകളെ സ്വീകരിക്കാനെത്തിയയാള്‍ തീവണ്ടിതട്ടി മരിച്ചു വേങ്ങര:മരുമകളെ സ്വീകരിക്കാന്‍ റെയില്‍വേ സ്റ്റേഷനിലെത്തിയയാള്‍ തീവണ്ടിതട്ടി മരിച്ചു. കണ്ണമംഗലം പൂച്ചോലമാടിലെ മൂക്കുമ്മല്‍ ചെറിയ മുഹമ്മദ്‌ഹാജി (65) യാണ്‌ മരിച്ചത്‌. തിങ്കളാഴ്‌ച രാവിലെ 5.30ന്‌ പരപ്പനങ്ങാടി റെയില്‍വേസ്റ്റേഷനിലാണ്‌ അപകടം നടന്നത്‌. മഹാരാഷ്ട്രയില്‍നിന്ന്‌ വരുന്ന മരുമകളെയും പേരമക്കളെയും സ്വീകരിക്കാന്‍ ഓട്ടോറിക്ഷയുമായി റെയില്‍വേ സ്റ്റേഷനിലെത്തിയതായിരുന്നു മുഹമ്മദ്‌ഹാജി. മരുമകളും പേരമക്കളും വന്ന മംഗള എക്‌സ്‌പ്രസ്‌ തട്ടിയാണ്‌ മുഹമ്മദ്‌ഹാജി മരിച്ചത്‌. പൂച്ചോലമാട്‌ മഹല്ല്‌കമ്മിറ്റി ഭാരവാഹിയായിരുന്നു. ഭാര്യ: ബിരിയക്കുട്ടി. മക്കള്‍: ആലിക്കുട്ടി, അബ്ദുള്‍ഗഫൂര്‍, മുഷ്‌താഖ്‌, അന്‍വര്‍സാദത്ത്‌ (നാലുപേരും മഹാരാഷ്ട്ര), മുഹമ്മദ്‌കുട്ടി (മുഖദസ്‌ ജ്വല്ലറി കീഴ്‌ശ്ശേരി), സൈനുദ്ദീന്‍ (ജിദ്ദ), സിറാജുദ്ദീന്‍ (പി.ടി.എ പ്രസിഡന്റ്‌ നൊട്ടപ്പുറം ജി.എല്‍.പി സ്‌കൂള്‍), ഫാത്തിമസുഹ്‌റ, ഫസീല, ഷമീറ. മരുമക്കള്‍: കെകെ. മുഹമ്മദ്‌ (കാലിക്കറ്റ്‌ എയര്‍പോര്‍ട്ട്‌), മുസ്‌തഫ (യു.എ.ഇ), ഷാനവാസ്‌ മേച്ചേരി (കീഴ്‌ശ്ശേരി), ഖദീജ, സഫിയ, ജുമൈല, സൗദ, ഷാജിന, സബീന, സമീറ. മൃതദേഹം തിരൂരങ്ങാടി താലൂക്ക്‌ ആസ്‌പത്രിയില്‍ പോസ്റ്റ്‌മോര്‍ട്ടത്തിനുശേഷം പൂച്ചോലമാട്‌ ജുമാമസ്‌ജിദില്‍ ഖബറടക്കി.
Subscribe to:
Post Comments (Atom)
1 comment:
nice information .online book Ticket through Redbus
Post a Comment